IELTS  ЕМТИХАНЫН ҚАЛАЙ ЖАҚСЫ ТАПСЫРУҒА БОЛАДЫ

Жыл сайын қазан айының соңында Астана қаласындағы физика-математика бағытындағы Зияткерлік мектебінің түлектері ағылшын тілін меңгеру деңгейін анықтайтын ең танымал халықаралық емтихандардың бірін тапсырады.
Биылғы оқу жылында мектептің орташа баллы 9 балдың 7,15-ін құрайды. 7,5 баллмен 47 адам сертификат алса, 27 түлек жоғары – 8 балл көрсеткішке қол жеткізді.
12-сынып түлектерінен эстафета қабылдаған 11-сынып оқушылары мектептегі IELTS емтиханын күтпеуге шешім қабылдады. Жақында бір топ бала ағылшын тілінен білімдері мен оқу, жазу, тыңдау және сөйлеу дағдыларын өз бетінше тексерді. 11С сынып оқушылары Анель Османова мен Әлия Қарабаева академиялық IETLS  жоғары 8,0 баллға тапсырса, Әли Қайырдықожа мен Алита Әмін тестен 7,5 ұпай жинады.
Бүгін біз оларды жеке тәжірибелерімен бөлісіп, IELTS халықаралық емтиханын қалай абыроймен тапсыруға болатыны туралы айтып беруді сұрадық.

АНЕЛЬ ОСМАНОВА: ЖҮЙЕЛІЛІК – БАСТЫ ФАКТОР
Мен 16 жастамын, қазір неміс тілін үйреніп жүрмін, өйткені оқуға түсу үшін неміс университеттерін қарастыруды жоспарлап отырмын. Мен жүзумен әуестенемін, музыкалық аспаптарда ойнаймын және майлы бояумен сурет салғанды ​​ұнатамын.
Мен екі жарым ай бойы тест тапсыруға дайындалдым. Сөйлеу және жазу бөлімдері бойынша жеке курстарға қатыстым, алайда айтарлықтай ілгерілеуді сезінбегендіктен жеке өзім дайындала бастадым.
Сонымен бірге мен ieltsonline веб-сайтында Cambridge Ielts Academic кітабы бойынша тест тапсырдым, тапсырмаларды орындау тыңдау және оқу дағдыларымды жақсартуға айтарлықтай үлес қосты.
Жүйелілік – бұл табыс кілті. Мен осы тестілеуге қатысатын құрбы- құрдастарыма бастапқыда қиындық тудыратын тапсырмаларды уақыт өте оңай орындау әдетін дамыту үшін жүйелі түрде жаттығу тесттерін тапсыруға кеңес беремін.
 
ӘЛИЯ ҚАРАБАЕВА: ЕҢ БАСТЫСЫ  – МОТИВАЦИЯ   
Мектепті  бітіргеннен кейін Лондон университетінің колледжінде өнер тарихы бойынша оқуды жоспарлап отырмын. Бұл менің арманым және оның маңыздылығы  мені  IELTS емтиханына шындап дайындалуға итермеледі.
 Келешекте IELTS  тапсыратын оқушыларға мүмкіндігінше ағылшын тіліне терең бойлауға кеңес беремін. Фильмдер мен сериялдарды түпнұсқада қараңыз, ағылшын тіліндегі кітаптарды оқыңыз, жүргізушілер мен қонақтардың  сөйлеу екпіні әртүрлі болатын подкастарды тыңдаңыз, тіпті телефон параметрлерін ағылшын тіліне өзгертіңіз. Тілді неғұрлым көп естісеңіз, оқысаңыз және сол тілде әрекеттессеңіз, тіл соншалықты миыңызға сіңіп, орныға түседі.
Сондай-ақ,  өзіңіздің мықты және әлсіз жақтарыңызды анықтауға назар аударыңыз. Жеке өзімде жазу бөлігінде қиындықтар болды, сондықтан мен басқа бөліктерде мүмкіндігінше көп ұпай жинауға тырыстым. Әрбір бөлім бойынша орташа балл жинаймын деп үміттену аз,  сондықтан белгілі бір дағдыда жақсы екеніңізді білсеңіз, сол дағдыны дамыта түскен жөн деп ойлаймын.

ӘЛИ ҚАЙЫРДЫҚОЖА: КҮНДЕЛІКТІ ЖАТТЫҒУ – ТАБЫС КЕПІЛІ
 IELTSтан  7.5 балл жинадым.  11-сыныптың басынан IELTS дайындық орталығында қосымша сабақтарға жазылу арқылы тестілеуге дайындалдым. Онда мен және басқа қатысушылар күн сайын дайындық жаттығу сынағын тапсыратынбыз. Дегенмен,оны жеткіліксіз санап, мұғалімдер берген тапсырмалардан бөлек өзім де дайындалдым.  Күнделікті жаттығу – табыс кепілі.
Тест тапсыруға кіріспес  бұрын мен университеттерге түсу туралы подкастарды тыңдап, ағылшын тілінде жаңалықтарды оқи бастадым. Бұл менің тыңдау және оқу дағдыларымды дамытуға көмектесті, сондай ақ менің жинаған ұпайыма ықпал етті.
Алдағы уақытта өз нәтижемді жақсарту және шетел университеттеріне түсу үшін тесті қайта тапсыруды жоспарлап отырмын.