New York University Abu Dhabi Нұрдана Смәділді оқуға шақырды

New York University Abu Dhabi елордадағы физика-математика бағытындағы NIS оқушысы оқушысын бәсекеге қабілетті және жан-жақты үміткер ретінде таныды.
Университет Нұрдана Смәділге барлық оқу шығындарын толығымен өтейтін қаржылық көмек ұсынды. Бағдарлама оқудың алғашқы кезеңдерінде нақты бағыт таңдауды міндеттемесе де, Нұрдана «медианы» терең зерттеп, Қазақстанда осы саланың дамуына үлес қосуды көздеп отыр.
– Мен мектебіме қолдау мен мүмкіндіктер үшін алғысымды білдіремін. Болашағымды осы жерде қаладым, өзімді әртүрлі салаларда сынап көрдім және тұлға болып қалыптастым деп айта аламын. Университетке қабылдануым – жетістіктердің бастамасы ғана! – дейді Нұрдана.
Айта кетсек, NYU Abu Dhabi – үміткерлерді қабылдауда оларға ең жоғары талап қоятын әлемдегі беделді білім ордасы. Университет гуманитарлық, әлеуметтік, жаратылыстану ғылымдары, инженерия және өнер бойынша 20-дан астам оқу курсын ұсынатын беделді жоғары оқу орындардың бірі болып табылады.