Жақында Нұр-Сұлтан қаласы физика-математика бағытындағы Назарбаев Зияткерлік мектебінің жатақханасында «Қазақстандағы 100 жаңа есім» жобасының жеңімпазы Әмір Қуатпен кездесу өтті.

Әмір Қуат – жас ғалым, кәсіпкер, өндіріс орындарында өлім-жітімнің алдын алу, жарақаттануды болдырмауды қамтамасыз ететін «БИОВ» сияқты көптеген жаңашылдықтар ойлап тапқан өнертапқыш.

Құрметті қонақты Dorm Councl – жатақхананың өзін-өзі басқару ұйымының мүшелері қарсы алып, жатақхананы көрсетті, Зияткерлік мектептер желісінде жүзеге асырылып жатқан игі істер туралы айтып берді. Жатақханада тұратын оқушылар жас ғалыммен мамандық таңдау мәселесін талқылаған кездесу бір жарым сағатқа созылса да, әңгіме қызығымен бір сәтте өте шыққандай көрінді. Әмір өзінің балалық шағы, ғылым мен кәсіпкерлікте алғашқы жетістіктері мен кездескен қиындықтар жайлы айтып берді. Оқушылар қонақты қызыға тыңдап, көптеген сұрақтарға жауап алды.

«Өнегелі өмір» жобасы аясында өткен кездесуді оқушылар жетстікке жетелейтін, болашаққа ынталандыратын кездесу деп атады. Әмірге ризашылықтарын білдірген оқушылар жатақхана үйірмелерінде өздері жасаған бұйымдарды қонаққа сыйға тартты.