31 қаңтарда 11-12-сыныпта оқитын бозбалалар арасында Баскетбол лигасының шешуші ойындары өтіп, жарыс өз мәресіне жетті.  Қаңтар  бойы созылған ойындарға 16 команда қатысты. Жеребе арқылы ойын жұптары анықталып, турнир олимпиадалық жүйе бойынша жүргізілді. Ойын әрқайсысы 10 минут болатын екі кезеңде ұйымдастырылды.

Ширек финалда және финалда командалар I және III орындар үшін жанталаса күресіп, ептіліктері мен шапшаңдықтарын, жеңіске деген құлшыныстарын көрсетті. Финалдық ойында кездескен 12С және 12Н сынып командалары  10 минуттан тұратын төрт кезеңде күш сынасты. Шешуші сәт болғандықтан ойын қақтығыстар мен шиелініске толы болды. Ойын барысында Самарханов Шынғыс (12Н)  пен Парманкулов Алпамыс (12С) ең көп ұпай жинап, өз командаларының көшбасшысы танылды. Баскетбол лигасының қорытындысы бойынша 12С сыныбының командасы бір ғана ұпай айырмамен (38:37) жеңімпаз атанды.  III орын үшін болған тартысты сайыста 11А сыныбы жеңіс тұғырына көтерілді.

Сонымен қатар түрлі номинациялардың жеңімпаздары да белгілі болды:

үздік қорғаныс ойыншысы – Мукажанов Тамирлан (12С),

үздік шабуылшы ойыншы – Парманкулов Алпамыс (12С),

үздік форвард – Пак Вячеслав (11Е),

турнир MVP – Самарханов Шынғыс (12Н) атанды.