Физика-математика бағытындағы Зияткерлік мектептің 12-сынып оқушылары IELTS емтиханында тамаша нәтижелер көрсетті.

Ағылшын тілі бойынша осы халықаралық тестілеу жүйесіндегі ең жоғары балл – 9 болса, мектебіміздің жоғары сынып оқушыларының жалпы баллы-7.42 құрады.

Руслан Терещеня мен Самира Бекаманова ерекше көзге түсіп, 9-дан 8.5 балл алды. Сонымен қатар, мектептің 34 оқушысы тестілеу кезінде 8 балл жинап, тілді жақсы білетіндіктерін дәлелдеді.

Бұл Зияткерлік мектеп оқушыларының  ағылшын тілін меңгеруінің жоғары деңгейін және  түлектердің академиялық жетістікке ұмтылудағы табандылығын көрсетеді.

Сондай-ақ  мектеп мұғалімдеріне,  ата-аналарға осындай нәтижелерге қол жеткізуге қосқан маңызды үлесі үшін алғыс білдіреміз.