Нұр-Сұлтан қаласы физика-математика бағытындағы Назарбаев Зияткерлік мектебінде Тәуелсіздік күні қарсаңында ауқымды іс-шаралар кешені ұйымдастырылды.

Мектепте мерейлі мерекеге арналған сынып сағаттары мен ашық сабақтар өтіп, көрмелер мен, қайырымдылық акциялары өткізілді. Мерейтой құрметіне ұйымдастырылған іс-шаралар  концерттік бағдарламаға ұласты.

“Тұғыры биік тәуелсіздік”  атты мерекелік концерт көлеңке театры дайындаған сахналық қойылыммен басталды. Оқушылар Ұлы даланың ғасырлық тарихына шолу жасап, сахнада желтоқсан құрбандарын сомдады, еліміздің тарихындағы елеулі оқиғалар туралы қимылмен баяндады. Мерекелік бағдарлама барысында оқу-тәрбие процесінің дамуына қосқан елеулі үлесі үшін бірқатар мұғалімдер  мен мектеп қызметкерлері марапатталды. Көрермендер  «Жігер» домбырашылар ансамблі мен бишілер тобын, жетіген ансамблінің өнерін жылы қарсы алып, жас өнерпаздардың талантына тәнті болды.

Қазақстан Республикасы Тәуелсіздігінің 30 жылдығына арналған мерекелік концерт көрермендер көңілінен шықты.