Астана қаласындағы физика-математика бағытындағы Назарбаев Зияткерлік мектебі Сіздерді ақылы Жазғы мектепке қатысуға шақырады!

ЕГЕР СІЗ

• Математика мен ағылшын тілін тереңдетіп оқу арқылы өзіңізді сынап көргіңіз келсе;
• Мектепте табысты болу үшін маңызды академиялық дағдыларды игергіңіз келсе;
• Логикалық ойлау мен шығармашылық қабілеттеріңізді дамытқыңыз келсе;
• Сөйлеу және актерлік шеберлікті арттыруды ойласаңыз;
• Домбырада ойнаудың қыр-сырын меңгергіңіз келсе;
• Жаңа достар табуға ниет білдірсеңіз

 СІЗДЕРДІ ЖАЗҒЫ МЕКТЕПКЕ ҚАТЫСУҒА ШАҚЫРАМЫЗ!

📆 НЕГІЗГІ КҮНДЕР: 2023 жылдың 5-13 маусымы.

👥 КІМ ҚАТЫСА АЛАДЫ?

Мектеп елордадағы барлық мектептердің 5-11 сынып оқушыларына арналған.

📚 БІЗ НЕ ҰСЫНАМЫЗ?

 Жазғы мектеп барысында математика және ағылшын тілі бойынша білімдеріңізді тереңдете аласыз, шешендік өнер мен актерлік шеберлікті игеріп, домбыра тартуды үйренесіз.

«MATH AROUND» КУРСЫ

Оқушылар олимпиада есептерін шешудің әдістемелері мен әдістерімен танысуға, оларды шешудің өзіндік, стандартты емес тәсілдерін іздеуге мүмкіндік алады. Сонымен қатар логиканы дамытуға арналған стандартты емес тапсырмаларды, сандық өрнектерді шешуге, кесуге, құюға, өлшеуге, түрлендіруге және есептеуге арналған тапсырмаларды орындайды.

«HAPPY ENGLISH» КУРСЫ

Біздің академиялық топ әзірлеген «Happy English» интенсивті ағылшын тілі курсының оқу бағдарламасы 10-11 жас аралығындағы жеткіншектер үшін арнайы дайындалған, мұқият таңдалған материалдар комбинациясы. Курс барысында қарым-қатынас пен ынтымақтастыққа баса назар аударылуы ағылшын тілін күнделікті өмірде қолдануға сенімділікті арттыруға көмектеседі.

«ДОМБЫРА» КУРСЫ

7 күн ішінде оқушылар Гиннестің рекордтар кітабына енген ең ауқымды домбыра сабағын жүргізген ұстаз, профессор Тоқтаған Айтжан Есенұлынан ұлттық домбыра аспабында ойнап үйренуге мүмкіндік алады.

Ал бос уақытта футбол, волейбол және үстел теннисін ойнауға, сонымен қатар әртүрлі интеллектуалды және үстел ойындарына қатысуға шақырамыз. Сабақтарды Зияткерлік мектептің тәжірибелі мұғалімдерімен қатар шетелдік мұғалімдер жүргізеді.

❓ СҰРАҚТАРЫҢЫЗ БАР МА?

 Жазғы мектеп туралы қосымша ақпарат қажет болса, оны summerschool.nis.edu.kz сайтынан таба аласыз.

📝 ҚАЛАЙ ТІРКЕЛУ КЕРЕК?

Жазғы мектепке қатысу үшін ДББҰ-ның summerschool.nis.edu.kz сайтында онлайн өтінімді толтыру қажет. Сайтта өтінішіңіздің тіркелгеніне көз жеткізуді сұраймыз.

🎉  ЖАЗҒЫ МЕКТЕБІМІЗГЕ КЕЛІҢІЗ!

Бізге қосылып, ұмытылмас әсерлер мен жаңа білім алыңыздар!