Зияткерлік мектеп ұстаздары мен оқушылары Әзірбайжан Республикасында

Зияткерлік мектеп ұстаздары мен оқушылары Әзірбайжан Республикасында

Ақтаудағы Зияткерлік мектептің ұстаздары мен оқушылары Әзірбайжан Республикасы Баку қаласындағы №36 Ағайынды Новрузовтар атындағы мектепке «Халықаралық серіктес мектептер» жобасын жүзеге асыру мақсатында келді.

Алғашқы сағаттардан бастап Зияткерлік мектеп делегациясы серіктес мектептің жұмыс барысымен және оқушыларының жетістіктерімен танысты. OCEP (Olympic Culture and Education Programme) жобасы аясында мектепте арнайы «Қазақстан» кабинеті құрылған. Мектеп оқушылары ол жерде қазақ мәдениеті, тілі, дәстүрі және тарихымен таныса алады. Серіктес мектептің бастауыш сынып оқушылары «Бүркітші», «Күй», «Қазақ рухы» тақырыптарында суреттер салып, өз суреттерін қонақтарға түсіндіріп берді.

Сонымен қатар Әзірбайжан Республикасының «Үздік ұстаз» атағын жеңіп алған химия пәні мұғалімінің ашық сабағын бақылады.