Жаратылыстану пәнінен алғашқы қалалық олимпиада

Петропавл қаласының Назарбаев Зияткерлік мектебінде жаратылыстану пәнінен алғашқы қалалық олимпиада өтті. Іс-шараға қаланың түрлі білім беру мекемелерінен, сондай-ақ Бескөл мектебінен 30-дан астам оқушы қатысты. Олимпиада үш пән: химия, биология және география бойынша тапсырмаларды қамтыды.
Олимпиадаға қатысушылар ғылымның түрлі салаларында өз білімдері мен дағдыларын жоғары дәрежеде көрсете алды. Олимпиада қорытындысы бойынша жеңімпаздар дипломдармен және тәтті сыйлықтармен марапатталды. Іс-шараның барлық қатысушылары да сертификаттар алды. Сондай-ақ химия, география және биология бойынша үздік білгірлерді марапаттады. Келесі жылы олимпиада жалғасын таппақ.
Зияткерлік сайысқа қатысудан бөлек, балалар Назарбаев Зияткерлік мектебімен де таныса алды. Қатысушылар үшін экскурсия өткізілді, сондай-ақ спорт залында көңілді ойындар ұйымдастырылды – бұл балаларға белсенді уақыт өткізуге және командалық жұмысқа бейімделуге мүмкіндік берді.