Мұғалімдер арасында тимбилдинг бастау алды

Ұстаздар аптаның соңында жаттығулар жасап, қызықты ойындар ойнап, керемет көңіл-күймен шараны аяқтады. Ойындар мен жаттығулар тек көңіл көтеру мақсатында ғана емес, әріптестердің бір-бірімен тығыз байланыс орнатып, командалық рухты күшейтуге мүмкіндік берді. Мұндай іс-шаралар ұстаздардың энергиясын арттырып, жаңа жетістіктерге жетуге деген ынтасын жандандырады.

Мектеп директоры Лаура Серікболқызы шараның сәтті өткенін атап өтіп, мұндай іс-шараларды дәстүрлі түрде өткізуге ұсыныс білдірді. Ол ұстаздардың өзара қолдау көрсетуі мен ынтымақтастығының білім беру процесінде үлкен рөл атқаратынын атап, мұндай шаралардың мектеп ұжымының рухын көтеруге көмектесетінін айтты.