NIS БАСҚАРМА ТӨРАҒАСЫ – ОРАЛ ӨҢІРІНДЕ

«Назарбаев Зияткерлік мектептері» ДББҰ Басқармасының Төрағасы Әнуар Жанғозин Орал қаласы NIS-ке арнайы келді. Мектебіміздің ішкі-сыртқы көрінісімен танысып, тыныс-тіршілігі туралы толығырақ білді.

Бұл күні Басқарма Төрағасының қатысуымен педагогтердің кәсіби даму бағытындағы инновациялық жұмыстары жайында жүздесу ұйымдастырылды. Мұғалімдер «Зерттеу мәдениеті» жобасы, «Тәлімгерлік мектебі», ауыл мектептері педагогтеріне кәсіби қолдау таныту бойынша «Мектепті оқыту», даму құралы ретіндегі педагогикалық аудит жөніндегі жобаларының ерекшелігімен бөлісті.

Әнуар Қанатұлы мектептегі үйірмелер және секциялардың қызметімен де танысты. Бүгінде білім ордамызда жүргізіліп жатқан «Кітап FEST» жобасының жәрмеңкесіне куә болып, Өзін-өзі басқару ұйымының зияткерлерімен тілдесті. Балалардың ойларына құлақ асып, ұсыныстарын тыңдады.

Күн соңында ұжыммен жиын өткізіп, мектептің академиялық көрсеткіштеріне тоқталды. Өзіндік ой-орамдарын, пікір-ұсыныстарын жеткізді. Сонымен қоса ұстаздар тарапынан туындаған сұрақтарға жауап берді.